4 ёшли болани тартибга ва хўжалик ишларда ёрдам беришга ўргатиш борасида маслаҳат берсангиз. 

Лобар ЮСУПОВА, Наманган шаҳри

❗️ Болани у юмушларига жуда эрта ёшдан ўргатган маъқул. Эътибор бериб қаранг, фарзандингиз маиший нарсаларга, масалан, гулнинг қандай суғорилиши, кир машинанинг ишлаш тартибига қизиқаётган бўлса ажаб эмас. 

   Унинг қизиқишларидан фойдаланиб, хонасини саранжомлашга ўргатинг. У-бу ишларни кўнглингиздагидек бажармаса ҳам уришманг. Албатта, бу ишларни ўзингиз тез уддалайсиз, бироқ болани ишга ўргатишнинг энг мақбул йўли шу.  

   Дарвоқе, фарзандингизни мақтаб қўйишни унутманг, у бажарган ишлар сизга катта ёрдам бўлаётганини таъкидлаб туринг. 

Муқаддас ЭРГАШЕВА, олий тоифали шифокор